لم يعد اكسجين الحياة يكفيني
طيب وتفكيري قديم
عايش زمن عبد الحليم
اثر القلوب اتغيرت
والناس تضرب في الصميم
ياليتني باقي طفل
العب وكل همي افل
ما حس لوعات الكبير
اذا درى انه يتيم
مدري الزمن جيته خطا
ولا الزمن نفسه خطا
الي اكيد ان التعب
لا صرت ماشي في السليم
عيدي مبارك فيك يا عيد الأيام
وحلوه سنيني فيك يا عيد روحي
سعادتي في شوفتك حلم الأحلام
وشعري وأحاسيس المحبة وبوحي
إن قلت لي كل عام أنا أقول الأعوام
بدون شوفتك هي سبايب جروحي
هنيت فيك العيد من فرحته قام
وهليت فيه وجاك عطرن يفوحي
أنت المهم ومن ملا قلبي أهيام
حبيت أهنيك يا هواي وطموحي
عيدين السنة عيدين بحساب الأرقام
وأنت الهنا وأعياد عمري وروحي
وصلت لغايتك وصلت .. وكل اللي تمنيته
خليتني أنسى لذيذ النوم ..وأشقى بك
أنا تولعت في حبك وحبي لك تناسيته
ترضى قلبي يتعذب .. وكيف يعاني بغيابك
أنا اترجى حنانك دوم ياللي ما ترجيته
تعيد بخاطري بسمة لجل الله ولحباابك
طواني حزني وهمي وعمري لجلك افنيته
تزيد الجرح في صدك .. تخليني على باالك
أنا قلبي ترا طفلن تعلق بك وخليته
وراك بخطوه وزله يلامس أطرف ثيابك
يمد ايده يبي يلفت أنظارك وصديته
ولا احساسك ولا قلبك
للمسكين اهو جابك
لو فتحت الدفاتر ما ضحك لك سطر
وين تقرا سعادة وأنت كـاتب شقاء
خلنا تـحت رحـمة ربنا ننتظر
روح والله يجيب يوم يكتب لقاء
لا تطول عذابي لو سمحت اختصر
لا تصحي مشاعر فيك متعلقه
ليش يعني بترجع ليش يعني مُصر
خل كلٍ في دربه والله يوفقه
لا توقف حياتي خلها تستمر
عطني فرصة أسامح عمري اللي بقى
أرحل انت وطيوفك ما عليكم أمر
كم طعنتوا وجيتوا في ثياب أصدقاء
لو تركت الحزن من للحزن غيري
من يشيل الهم في الدنيا سواي
العذاب اصبح بهالدنيا مصيري
و الألم من مولدي عايش معاي
كل ما شدّيت للفرحة مسيري
ردّت جروحي تدوّر عن خطاي
تصرخ الآمال في رجوى أثيري
لكن الأيام ما تسمع نداي
أبذل الأشواق لاجل ارضي ضميري
و ابتدي بالحب و انهيبه عطاي
كن هالافراح مكتوبة لغيري
و انكتب في صفحة أيامي شقاي
ماني بدنيا عذابي مستخيري
تفرض الدنيا علي أحيا عناي
أبتعد و الحزن يتبع خطّ سيري
و ان لقيت الدرب ضاعتبي مناي
دقايق .. لو سمح وقتك دقايق
انا مشتاقلك بالحيل و ضايق
وحشني صوتك و خوفك عليّه ..
ليالي غيبتك مرّة و تضايق
في عيني وين ما ترحل أشوفك
و اسلّي نفسي و اتخيّل وصوفك
يحسبوني نسيت و ما نسيتك ..
وربّي عالم بكل الحقايق
أغنّي بكثر شوقي لك أغنّي
كثر ما كنت لو حبّك سكنّي
و انا من زود ما دمعي فضحني ..
أداري وجهي عن كل الخلايق
أحبّك و انت تدري كيف أحبك
و ما تكفيني في حبّك ” أحبّك “
عزاي اني أحبك طول عمري ..
و لا يسوى العمر بعدك دقايق
